LUNS 16M: LÉXICO

Bos días. 

Estabamos corrixindo a ficha de Lingua. Os que non a rematastes, rematádea. Para corrixila, prefiro que o fagamos de forma presencial, cando volvamos a clase.

Agora, imos seguir co punto 2: Léxico. 

1. Entrades na aula virtual, a través deste enlace e ides ao punto 2: Léxico.
2. Aparecerán 2 documentos idénticos: un en PDF (este documento) e outro nun formato que se pode editar. Podedes optar por imprimilo (o PDF) ou por escribir as respostas co ordenador (no outro documento). 
3. Se o imprimides, contestades a man. Se decidides contestar no ordenador, gardade o novo documento coas respostas (se non, ao chegar a clase, non tedes nada que presentar).
4. Tedes que facer o mesmo que fixestes coa ficha de Lingua. Para resolver as cuestións, ides ao voso libro dixital, punto 2 (Léxico) de cada unha das unidades.

Para esta clase, contestaredes as cuestións que corresponden ás unidades 1, 2, 3 e 4. Se queredes adiantar traballo, seguide ata a unidade 8.

Importante: 

• Se hai algo que non sabedes, é preferible deixalo en branco. Xa o aclararemos na clase de forma presencial.
• Se tedes dúbidas, escribídeas ao final, nos comentarios.

Ata mañá.